Татбиқи барномаи таълим дар бахши ҳуқуқи инсон

Душанбе, 19.02.2016.(АМИТ “Ховар”).-Дар доираи татбиқи «Барномаи таълим дар соҳаи ҳуқуқи инсон барои солҳои 2013-2020» ва фаъолияти Шӯрои ҳамоҳангсози байниидоравӣ аз ҷониби мақомоти Ваколатдор оид ба ҳуқуқи инсон дар Ҷумҳурии Тоҷикистон лоиҳаи “Роҳнамо”аз фанни “Ҳуқуқи инсон” барои донишҷӯёни бахши ҳуқуқшиносӣ таҳия гардид. Инчунин дар чаҳорчӯбаи барномаи мазкур “Роҳнамо” барои хонандагони синфҳои 10 ва 11-и муассисаҳои таҳсилоти умумӣ дар маҷмӯъ, чор роҳнамои методӣ мураттаб гардид.
Аз мақомоти Ваколатдор оид ба ҳуқуқи инсон ба АМИТ “Ховар” иттилоъ доданд, ки алҳол марҳилаи дуюми «Барномаи таълим дар бахши ҳуқуқи инсон барои солҳои 2013-2020» идома дошта, дар доираи он як зумра санадҳои миллӣ ва байналмилалӣ оид ба ҳуқуқи инсон ба тасвиб расида, ба чоп омода гардидаанд.