Вакилон ба минтақаҳо мераванд

Душанбе, 16.02.2016.(АМИТ «Ховар»).-Шурӯъ аз имрӯз, 16 феврал вакилони Маҷлиси намояндагони Маҷлиси Олии ҷумҳурӣ ба минтақаҳои гуногуни кишвар- Вилояти мухтори кӯҳистони Бадахшон, вилоятҳои Суғду Хатлон, ноҳияҳои тобеи марказ ва шаҳри Душанбе сафар намуда, бо интихобкунандагон ва қишрҳои мухталифи ҷомеа вохӯрӣ анҷом медиҳанд.
Интизор меравад, ки дар ҷараёни вохӯриҳо вакилони палатаи поёнии Парлумони кишвар дар назди мардум доир ба пешниходи аъзои Маҷлиси миллӣ ва вакилони Маҷлиси намояндагони Маҷлиси Олии ҷумҳурӣ оид ба ворид намудани тағйиру иловаҳо ба Конститутсия (Сарқонуни) Ҷумҳурии Тоҷикистон, Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олии кишвар, фаъолияти Маҷлиси намояндагон ва дигар масъалаҳои муҳими ҳаёти сиёсию иқтисодӣ ва иҷтимоию фарҳангии кишвар сухан намоянд.
Вохӯрии вакилон бо интихобкунандагон то 26 феврал идома меёбад.