“Варда”-и Маҷористон “Истиқлол”-ро мағлуб кард

Душанбе, 4.02.2016 (АМИТ «Ховар»). Клуби футболи «Истиқлол” аввалин вохӯрии таҷрибавиашро дар Туркия бо дастаи “Варда”-и Маҷористон барпо карда, бо ҳисоби 3 бар 1 мағлуб шуд. Агар
Акмал Холматов дар дақиқаи 13-ум ҳисобро боз карда бошад, пас маҷориҳо дар нимаи дуввум ба худ омада, ба дарвозаи Никола Стошич се тӯб заданд. Муаллифи голҳо аз дастаи “Варда”инҳо шуданд: Габор Эрош (51), Кулжар(75) ва Делжег (87). “Истиқлол” дар ин вохӯрӣ бо чунин ҳайат ҳунарнамоӣ кард:
Қурбоналӣ Бобоев ( Никола Стошич,46), Дилшод Восиев(Маҳдии Чоҳҷӯӣ,77), Давронҷон Эргашев, Сиёвуш Асроров, Ҷаҳонгир Ҷалилов, Фатҳулло Фатхуллоев(Ҷаҳонгир Алиев,70), Нуриддин Давронов (к), Парвизҷон Умарбоев, Акмал Холматов(Аҳтам Назаров, 70), Манучеҳр Ҷалилов, Олександр Каблаш(Фариддун Шарипов, 82).
“Истиқлол” бозии таҷрибавии ояндаашро бо тими “Тараз”- Қазоқистон рӯзи 6 феврал барпо мекунад.