«Ватанро беш аз ҳарвақта дорам дӯсттар!»-иқдоми ҷавонон

Душанбе, 26.02.2016. (АМИТ «Ховар»).- Имрӯз аз ҷониби ТҶҶ «Созандагони Ватан» дар ноҳияи Бобоҷон Ғафуров дар ҳамбастагӣ бо шуъбаи маорифи ноҳия иқдоми «Ватанро беш аз ҳарвақта дорам дӯстар!» доир гардид.
Ба чорабинии мазкур зиёда аз 700 аъзои «Созандагони Ватан», хонандагони синфҳои болоии мактабҳо аз минтақаҳои мухталифи ҳудуди ноҳия ҷалб шуданд. Роҳбари намояндагии «Созандагони Ватан» дар ноҳия иброз дошт, ки мақсади чорабинӣ, пеш аз ҳама, баланд бардоштани ҳисси ватандӯстӣ, ғурури миллӣ, хештаншиносӣ ва зиёд намудани ихтиёриён ба хизмат дар сафи Артиши миллӣ мебошад.
Дар доираи чорабинӣ иштирокдорон имконият пайдо намуданд, ки бо яроқу аслиҳа, машқҳои низомии афсарону сарбозон ва шароити зисту истироҳати онҳо шинос шаванд.