Вазири Бритониё Десмонд Свейн ба Тоҷикистон ташриф овард

Душанбе, 15.02.2015. (АМИТ «Ховар»). — Десмонд Свейн, вазири давлатии Бритониёи Кабир оид ба рушди байналмиллалӣ имрӯз ба Тоҷикистон ташриф овард ва ӯ бо як зумра намояндагони расмӣ, ҷомеаи шаҳрвандӣ ва бахши хусусӣ баҳри пешбурди ҳамкорӣ бо Бритониёи Кабир мулоқотҳо анҷом медиҳад.
Ташрифи вазир барои рушди робитаи дуҷониба миёни Ҳукумати Тоҷикистон ва Бритониёи Кабир, хусусан оид ба дастгирӣ аз рушди иқтисодиёти Тоҷикистон, идораи давлатӣ ва устуворӣ нигаронида хоҳад шуд.
Оид ба ташрифи хеш ба Душанбе Десмонд Свейн гуфт:
“Ман хеле шодам, ки ҳамчун вазири давлатии рушди байналмилалӣ бори аввал ба Тоҷикистон ташриф овардам. Ман интизори мулоқот бо намояндагони расмии Тоҷикистон, бахши хусусӣ ва ҷомеаи шаҳрвандӣ оид ба натиҷаҳои хуби корӣ, ки дар ҷараёни ҳамкорӣ бо Бритониё дар соҳаҳои муҳим, ба монанди рушди иқтисод ва идораи давлатӣ ба даст оварда шудааст, мебошад. Ҳамчунин ман умедворам, ки дар пешбурд ва густариши робитаи дуҷониба байни давлатҳо мо ба натиҷаҳои бештар мерасем.