Ҷаласаи навбатии КМИР
Душанбе, 25.03.2016. (АМИТ «Ховар»). -Имрӯз таҳти роҳбарии раиси Комиссияи марказии интихобот ва раъйпурсии Ҷумҳурии Тоҷикистон Худоёрзода Бахтиёр Тавар ҷаласаи навбатии комиссия баргузор гардид.
Дар ҷаласаи Комиссияи марказии интихобот ва раъйпурсӣ як зумра масъалаҳои муҳими давраи омодагӣ ба баргузории раъйпурсии умумихалқӣ оид ба тағйиру иловаҳо ба Конститутсияи (Сарқонуни) Ҷумҳурии Тоҷикистон мавриди муҳокима қарор гирифт.
Бо мақсади таъмини шаффофият ва мушоҳидаи ошкоро дар давраи омодагӣ ва баргузории раъйпурсии умумихалқӣ оид ба тағйиру иловаҳо ба Конститутсияи (Сарқонуни) Ҷумҳурии Тоҷикистон тавассути Вазорати корҳои хориҷии Ҷумҳурии Тоҷикистон ба мушоҳидони байналмилалӣ даъватнома фиристода мешавад. Бо ин мақсад Комиссияи марказии интихобот ва раъйпурсӣ Дастурамал оид ба тартиби иштироки мушоҳидони миллӣ ва байналмилалиро дар раъйпурсии умумихалқӣ таҳия намуда, дар он тартиби иштирок ва уҳдадориҳои мушоҳидон дарҷ карда шудааст.
Мутобиқи талаботи моддаи 17 Қонуни конститутсионии Ҷумҳурии Тоҷикистон «Дар бораи раъйпурсии Ҷумҳурии Тоҷикистон» Комиссияи марказии интихобот ва раъйпурсӣ бо қарорҳои дахлдор Дастурамалро оид ба тартиби иштироки мушоҳидони миллӣ ва байналмилалӣ дар раъйпурсии умумихалқӣ, тартиби аккредитатсияи мушоҳидони байналмилалӣ ва бақайдгирии мушоҳидони миллӣ, намунаи шаҳодатномаҳои мушоҳидони миллию байналмилалӣ ва намояндагони воситаҳои ахбори омма, ташкили гурӯҳи кории Комиссияи марказии интихобот ва раъйпурсии Ҷумҳурии Тоҷикистонро доир ба таъмини фаъолияти мушоҳидони байналмилалӣ тасдиқ намуд.
Ҳамзамон мутобиқи моддаҳои 12 ва 57 Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон» Комиссияи марказии интихобот ва раъйпурсӣ бо қарори худ интихоботи узви Маҷлиси миллии Маҷлиси Олии Ҷумҳурии Тоҷикистонро ба ивази узви хориҷшуда дар ҳавзаи интихоботии шаҳри Душанбе №4 ба рӯзи 29-уми майи соли 2016 таъйин кард. Барои амалӣ гардидани ин қарор Нақшаи тақвимии чорабиниҳои асосӣ доир ба тайёрӣ ва гузаронидани интихоботи узви Маҷлиси миллии Маҷлиси Олии Ҷумҳурии Тоҷикистон ба ивази узви хориҷшуда дар ҳавзаи интихоботии шаҳри Душанбе №4 тасдиқ гардид ва оид ба масъалаи мазкур комиссияи ҳавзавии интихобот таъсис дода шуд.
«МЕҲРИ МОДАР». Таҳти ин унвон бахшида ба Рӯзи Қувваҳои Мусаллаҳи Тоҷикистон иқдом баргузор гардид
Имрӯз дар шаҳри Душанбе ҳаво 12 дараҷа гарм мешавад
Имрӯз дар Агентии назорат дар соҳаи маориф ва илм, Агентии содирот, Бонки давлатии амонатгузории «Амонатбонк» ва Палатаи савдо ва саноат нишасти матбуотӣ баргузор мегардад
«Интернет барои хона» Steam-ро вусъат мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон туман мефарояд
Дар ноҳияи Тоҷикобод 6 коргоҳи истеҳсолӣ ба истифода дода шуд
