Ҷалби ҷавонони соҳибкор ба ташаккул ва рушди фаъолияти соҳибкории истеҳсолӣ
Душанбе, 28.03.2016. (АМИТ «Ховар»). — Бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бо мақсади ташаккул ва рушди фаъолияти соҳибкории истеҳсолӣ бо иштироки масъулини кумита миёни ҷавонони соҳибкори шаҳри Конибодом машварат дар мавзўи «Ҷалби ҷавонони соҳибкор ба ташаккул ва рушди фаъолияти соҳибкории истеҳсолӣ» баргузор гардид.
Дар машварат зиёда аз 50 ҷавон иштирок варзида, оид ба фаъолияти соҳибкории истеҳсолӣ, роҳҳои ташаккул ва рушди он барои худ маълумоти муфид гирифтанд.
Ҳамзамон масъулини кумита дар байни ҷавонони ҷамоатҳои Патар, Маҳрамов ва Лоҳутии шаҳри Конибодом бобати тарғибу ташвиқи нуқтаҳои асосии Паёми Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ, шарҳи зарурати ворид намудани тағйиру иловаҳо ба Конститутсияи Ҷумҳурии Тоҷикистон, рафъи омилҳои номатлуб дар ҷомеа, баланд бардоштани маърифати оиладорӣ, танзиму анъана ва ҷашну маросими миллӣ, татбиқи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва дигар масоили марбут ба соҳаи ҷавонон вохўриҳои судманд доир намуданд.
Дар вохўриҳо зиёда аз 250 ҷавону занони ҷамоатҳои мазкур иштирок намуда, оид ба масъалаҳои муҳим маълумоти зарурӣ гирифтанд.
Чунин машварат ва вохўриҳо аз ҷониби масъулини кумита то охири моҳи марти соли равон дар шаҳру ноҳияҳои Бобоҷон Ғафуров, Ашт, Бўстон, Истаравшан, Деваштич ва Зафарободи вилояти Суғд дар назар дошта шудааст.
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
