Ҷамъбасти олимпиадаи ҷумҳуриявӣ барои дарёфти ҷоизаи «Ҷоми АИ ҶТ»
Душанбе, 14.03.2016. (АМИТ “Ховар”). -Дар Академияи илмҳои Ҷумҳурии Тоҷикистон Олимпиадаи ҷумҳуриявии донишҷӯёни муассисаҳои таҳсилоти олии Ҷумҳурии Тоҷикистон дар соҳаҳои илм барои дарёфти ҷоизаи «Ҷоми Академияи илмҳои Ҷумҳурии Тоҷикистон» ҷамъбаст гардид.
Тавре ки Шервони Умриддин, котиби матбуотии Академияи илмҳои Ҷумҳурии Тоҷикистон гуфт, олимпиада бо ташаббуси президенти Академияи илмҳои Ҷумҳурии Тоҷикистон, академик Фарҳод Раҳимӣ дар АИ ҶТ соли сеюм аст, ки доир мешавад.
Олимпиада аз рӯи 12 самти илмӣ, аз ҷумла математика, физика, химия, астрономия, геология, биология, иқтисодиёт, технологияҳои иттилоотӣ, забон ва адабиёти тоҷик, таърих, фалсафа ва ҳуқуқ баргузор гардид, ки дар он 33 муассисаҳои таҳсилоти олии Ҷумҳурии Тоҷикистон ва беш аз 300 донишҷӯй қувваозмоӣ намуданд.
Аз рӯи ҷамъбасти олимпиада 9 донишҷӯи Донишгоҳи миллии Тоҷикистон, 1 донишҷӯи Донишгоҳи давлатии омӯзгории Тоҷикистон ба номи С. Айнӣ, 1 донишҷӯи Донишгоҳи давлатии Хуҷанд ба номи академик Б. Ғафуров ва 1 донишҷӯи Донишгоҳи давлатии Қурғонтеппа ба номи Н. Хусрав ҷои якумро ишғол намуда, бо дипломҳои дараҷаи якуми олимпиада ва «Ҷоми Академияи илмҳои Ҷумҳурии Тоҷикистон» сарфароз гардонида шуданд.
Бо дипломҳои ҷои дуюми олимпиада 4 донишҷӯи Донишгоҳи давлатии Хуҷанд ба номи академик Б. Ғафуров, 2 донишҷӯи Донишкадаи давлатии кӯҳию металлургии Тоҷикистон, 1 донишҷӯи Донишгоҳи давлатии ҳуқуқ, тиҷорат ва сиёсати Тоҷикистон, 1 донишҷӯи Донишкадаи политехникии Донишгоҳи техникии Тоҷикистон ба номи М. Осимӣ дар шаҳри Хуҷанд, 1 донишҷӯи Донишгоҳи давлатии Қурғонтеппа ба номи Н. Хусрав, 1 донишҷӯи Донишгоҳи давлатии омӯзгории Тоҷикистон ба номи С. Айнӣ, 1 донишҷӯи Донишгоҳи славянии Русия-Тоҷикистон ва 1 донишҷӯи филиали Донишгоҳи давлатии Маскав ба номи М. Ломоносов дар шаҳри Душанбе сарфароз гардонида шуданд.
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
