Ҷавошири Ҳайдарӣ: Мо тоҷикони бурунмарзӣ аз он ифтихор мекунем, ки чунин Пешвои тоҷикон дорем

Душанбе, 20.03.2016. (АМИТ «Ховар»).—Мо тоҷикони бурунмарзӣ аз он ифтихор мекунем, ки чунин Пешвои тоҷикон дорем. Сол то сол таҷлили Ҷашни Наврӯз шаҳомати хоса мегирад. Ибтикороти ҷаҳонишавии Наврӯз ба Президенти Ҷумҳурии Тоҷикистон муҳтарам Эмомалӣ Раҳмон мутааллиқ аст, ки ин ифтихори ҳамаи мо тоҷикон мебошд. Ин нуктаро Ҷавошири Ҳайдарӣ, раиси Иттифоқи синамогарони Афғонистон, узви шӯрои Анҷумани байналмилалии тоҷикону форсизабонони ҷаҳон «Пайванд» баъди мулоқот ва суханронии Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Ҳамоиши байналмилалии адибони ҳавзаи Наврӯз ва мулоқот бо зиёиёни кишвар изҳор дошт.

«Тавре ки он кас дар суханрониашон таъкид намуданд, шуарову адибон, ки нақши бузурге барои мутаҳидсозии халқҳо доранд, бояд қаламашон тез ва бурро бошад, ба манфиати халқ хидмати бештар кунанд»,- гуфт Ҷавошири Ҳайдарӣ.

Ҷавошири Ҳайдарӣ мегӯяд, ки аз ҳар пешравию дастоварди кишвари Тоҷикистон хушҳол мегардад. Ҳамеша тариқи шабакаҳои телевизиониву радиоӣ барномаҳои Тоҷикистонро тамошо ва гӯш  мекунад ва аз навиди ин кишвар бохабар аст.