Ба истифода додани корхонаи адрасбофии «Марҳабо» дар Роғун

Роғун, 25.03.2016 (АМИТ «Ховар»).- Ба ифтихори ҷашни Наврӯз дар шаҳри Роғун бо иштироки раиси шаҳр Шарифзода Шариф Файз корхонаи адрасбофии » Марҳабо » — и деҳаи Қандаки ҷамоати шаҳраки Оби гарм ба истифода дода шуд. Соҳибкор Нозилшоҳ Буриев гуфт, ки таҷҳизот ва риштаи корхонаро аз вилояти Суғд харидаанд.
Ҳамчунин дар маркази шаҳри Роғун аз ҳисоби соҳибкор Убайдулло Достиев коргоҳи таълимии адрасбофӣ кушода шудааст, ки дар он ҷавондухтарони хоҳишманди шаҳр ба таълим фаро гирифта шудаанд. Зикр шуд, ки дар сурати ба истифода додани корхонаи адрасбофӣ боз 10 дастгоҳи бофандагӣ ба фаъолият шурӯъ мекунад.
Матое, ки корхонаҳои мазкур истеҳсол мекунанд, 100 фоиз аз риштаи пахтагин буда, ба саломатии инсон безарар аст ва талабот ба ин гуна матоъҳо дар ҷумҳурӣ зиёд аст. Аз ин лиҳоз Мақомоти иҷроияи ҳокимияти давлатии шаҳри Роғун тасмим гирифтаанд, ки бо дастгирии соҳибкорон ва барои таъсиси ҷойҳои нави корӣ сафи чунин корхонаҳоро зиёд намоянд.