Бинои навбунёди шуъбаи Хадамоти давлатии «Муҳофиза»-и ШВКД дар ноҳияи Б.Ғафуров
Душанбе, 25.03.2016. (АМИТ «Ховар»). -Имрӯз дар доираи сафари хизматӣ вазири корҳои дохилӣ Раҳимзода Рамазон Ҳамро ба ноҳияи Б.Ғафурови вилояти Суғд рафта, дар маросими ифтитоҳи бинои навбунёди шуъбаи Хадамоти давлатии «Муҳофиза»-и ШВКД дар ноҳияи Б.Ғафуров ширкат варзид.
Бинои мазкур дуошёна буда, аз ҳуҷраҳои корӣ, толори варзишӣ, ошхона барои ҳайати шахсӣ, макони хоб, меҳмонхона ва ғ. иборат мебошад.
Зимни боздид вазир аз сатҳу сифати корҳои сохтмонии бинои мазкур, ки аз таҳкурсӣ бо тамоми риояи меъёрҳои сохтмонӣ сохта шудааст, изҳори қаноатмандӣ намуд.
Р. Раҳимзода ҳайати шахсии мақомоти корҳои дохилӣ дар ноҳияи Б.Ғафуров ва собиқадорони милитсияро ба муносибати Наврӯзи байналмилалӣ табрик карда, аз дастовардҳои мардуми Тоҷикистон ва пешравиҳои бузурги иқтисодиву иҷтимоӣ ва сиёсиву фарҳангӣ ёдовар гардид.
Собиқадорони соҳа аз ҷониби вазири корҳои дохилӣ бо туҳфаҳои қимматнок қадрдонӣ гардиданд.
Сафари кории вазири корҳои дохилӣ дар вилояти Суғд идома дорад.
Имрӯз дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
Имрӯз дар водиҳои Тоҷикистон ҳаво то 43 дараҷа гарм мешавад
ТАЪТИЛИ ТОБИСТОНА. Дар Китобхонаи миллии Тоҷикистон барои наврасону ҷавонон маҳфилҳои омӯзишӣ баргузор мешаванд
