БМТ: Мулоқот бо ҳайати гурӯҳи Бонки исломии рушд

Март 3, 2016 08:44

Душанбе, 03.03.2016. (АМИТ «Ховар»).-2 марти соли равон муовини якуми раиси Бонки миллии Тоҷикистон Ҷамолиддин Нуралиев бо роҳбари ҳайати гурӯҳи Бонки исломии рушд, директори барномаҳои кишварӣ Муҳаммад Ҷамал Ал-Саатӣ, ки барои омӯзиши лоиҳаҳои афзалиятноки сармоягузории мамлакат, дарёфти роҳҳои нави таҳкими робитаҳо бо сохторҳои давлатию хусусӣ ба муддати як ҳафта ба ҷумҳурии мо омадааст, мулоқоти корӣ доир намуд. Дар ҷараёни вохӯрӣ муовини якуми раиси Бонки миллии Тоҷикистон аз муносибатҳои дуҷонибаи мавҷуда қаноатмандии худро баён намуда, омодагии низоми бонкии мамлакатро ба ҳамкории боз ҳам зичу судманд бо Бонки исломии рушд иброз дошт ва аз меҳмонон даъват ба амал овард, ки дар ин самт корро боз ҳам ҷонноктар намоянд. Номбурда таъкид кард, ки дар айни замон Бонки миллии Тоҷикистон ба мусоидат барои пешниҳоди кумаки машваратӣ барои таҳияи санадҳои меъёрии ҳуқуқии бонкдории исломӣ ва бозомӯзии мутахассисони бонкӣ ниёз дорад.
Ҷонибҳо зимни мулоқот имкониятҳои бештари ба роҳ мондани ҳамкории дуҷонибаи судманд, расонидани кумакҳои техникӣ, таҳия ва дар амал татбиқ намудани лоиҳаҳои нави сармоягузорӣ дар бахши бонкиро мавриди баррасӣ қарор доданд.
Роҳбари ҳайати гурӯҳи Бонки исломии рушд Муҳаммад Ҷамал Ал-Саатӣ аз сатҳ ва раванди ҳамкорӣ бо ташкилоти қарзӣ ва низоми бонкии кишвар изҳори хушнудӣ намуда, зикр кард, ки барои ба таври мушаххас ва мукаммал муайян кардани самтҳои ҳамкорӣ моҳи апрели соли равон гурӯҳи мутахассисони касбии Бонки исломии рушд ба Душанбе меояд.
Зимни мубодилаи афкор Ҷамолиддин Нуралиев ва намояндагони Корпоратсияи байналмилалии исломӣ оид ба маблағгузории тиҷорат (ITFC), Корпоратсияи исломӣ оид ба рушди бахши хусусӣ (ICD), ки шомили ҳайати номбурда мебошанд, паҳлуҳои нави ҳамкории афзалиятноки Бонки миллии Тоҷикистон ва Бонки исломии рушдро баррасӣ намуданд.

Март 3, 2016 08:44

Хабарҳои дигари ин бахш

ИСТИФОДАИ САМАРАНОКИ ЗАМИН. Сокинони шаҳри Бохтар дар замини наздиҳавлигияшон гармхона ташкил намуданд
Ба соҳибкори муваффақи тоҷик аз ҷониби Президенти Қазоқистон Медали ҷашнӣ ва Ифтихорномаи фахрӣ супорида шуд
Дар Хатлон нахустин бозиҳои мусобиқаи кӯдаконаи футбол баргузор шуданд
НАҚЛИЁТИ «САБЗ». Ба Тоҷикистон 6047 мошини барқӣ ворид карда шудааст
Кӯчати мағзи устухон дар ҳолати саратони хун ва бемориҳои гематологӣ дар шабакаи клиникаҳои «Acıbadem»
Имрӯз дар шаҳри Душанбе ҳаво то 31 дараҷа гарм мешавад
Барои барқарор намудани чарогоҳҳои водии Рашт 20 намуди тухмиҳои бутта ва дарахтон парвариш карда мешаванд
Дар Ҳисор маҳфил – озмуни «Тоҷикистони ман!» оғоз гардид
Имсол дар Хатлон қариб 500 ҳазор тонна пиёз ҷамъоварӣ карда мешавад
Дар шаҳраки Обшорони ноҳияи Мастчоҳ татбиқи лоиҳаи обрасонӣ оғоз ёфт
Имрӯз дар водиҳои Тоҷикистон ҳаво то 34 дараҷа гарм мешавад
ҲАФТАИ ИЛМ – 2025. Донишгоҳи байналмилалии сайёҳӣ ва соҳибкории Тоҷикистон аз муҳимтарин дастовардҳо натиҷагирӣ намуд