«Наврўз дар фарҳанг ва адаби тоҷик»-ҳамоиш дар КМТ

Душанбе,17.03.2016 (АМИТ «Ховар»).- Дирӯз дар Китобхонаи миллии Тоҷикистон (КМТ) ба ифтихори ҷашни Наврӯз бо номи «Наврӯз дар фарҳанг ва адаби тоҷик» бо мақсади ёдоварӣ аз суннатҳо, ваҳдатофарӣ, ҳифзи мероси ниёгон ва васфи Наврўз дар ашъори шоирони классик ва муосири тоҷик ҳамоиш баргузор гардид. Дар нишаст олимон, донишҷӯён ва кормандони КМТ иштирок карданд.
Директори КМТ Сайфиддин Назарзода гуфт, ки зикри Наврӯз дар садҳо китобҳои муътабар омада ва шарҳу баёни илмиву мантиқӣ низ ёфтааст.
Ҷамолиддин Сайидзода дар мавзӯи “Наврӯз дар китобҳо” маъруза кард. Назри Яздонӣ дар мавзӯи “Наврӯз ва ваҳдати миллӣ” гуфт, ки яке аз суннатҳои наврӯзӣ ваҳдати инсонҳост, то талош кунанд ранҷишҳову кудуратро аз дилҳо бишӯянд ва бо дӯстиву ҳамдигарфаҳмӣ ҳаёт ба сар баранд. Ӯ инчунин иброз дошт, ки ҳама талоши Пешвои миллат ва манзураш аз густарда ҷашн гирифтани Наврӯз- ин таъмини ваҳдат миёни сокинон ва ободии мулк аст.