Фестивали фарҳангӣ бахшида ба рӯзҳои Ҷопон дар Тоҷикистон

Март 11, 2016 15:22

Душанбе, 11.03.2016. (АМИТ «Ховар»).-Бо ибтикори Сафорати Ҷопон дар Ҷумҳурии Тоҷикистон рӯзҳои 12 ва 13 марти соли 2016 дар шаҳри Душанбе Фестивали фарҳангии Ҷопон — рӯзҳои Ҷопон баргузор мешавад. Фестивали мазкур нахустин намоиши фарогири фарҳанги Ҷопон дар Тоҷикистон мебошад ва аз ҷониби Вазорати корҳои хориҷии Чумҳурии Тоҷикистон, Вазорати фарҳанги Чумҳурии Тоҷикистон ва Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дастгирӣ ёфта, даромад ройгон ва аз намоишҳои мухталифи фарҳангу суннатҳои ҷопонӣ иборат аст.
Рӯзҳои Ҷопон 12 март бо намоиши Икэбана, санъати набоботӣ, аз ҷониби Устоди расму оинҳои анъанавии ҷопонӣ Ямада Мидорӣ оғоз меёбад. Ҳамзамон тамоми рӯз дар утоқҳои махсус нишондиҳии Шодо, хаттотии анъанавии ҷопонӣ ва Оригами, намудҳои гуногуни шаклсозӣ аз қоғазро наққош Зуҳро Бахрололумӣ муаррифӣ менамояд.
Худи ҳамон ҷо утоқҳое омода мешаванд, ки тамошобин метавонад либоси суннатии ҷопонӣ юкатаро бипӯшад ва бо бозичаҳои чӯбини анъанавӣ шинос шавад. Илова бар ин, донишҷӯёни тоҷик, ки дар Ҷопон таҳсил намудаанд, намоишномаи нодире барпо мекунанд ва аз қиссаҳои аҷоиб ва таҷрибаи ҳаёту зиндагии хеш дар Ҷопон суҳбат менамоянд.
13 март ҳамвора якчанд чорабинӣ дар идомаи рӯз баргузор хоҳанд гашт.
Дар баробари ин дар утоқҳои махсус Сёдо, Оригами, бозичаҳои суннатӣ ва Юката ба маърази намоиш гузошта мешаванд ва аз ҳозирин даъват мешавад, то дар якҷоягӣ вориди онҳо гарданд.
Рӯйдодҳои дурӯзаи ҷопонӣ ба сифати имконияти намоиш додани дӯстии байни Ҷумҳурии Тоҷикистон ва Ҷопон хизмат менамоянд ва барои тамошобинон имконияте хубе пайдо мекунанд, то дар муҳити воқеӣ аз фарҳангу анъанаҳои Ҷопон ҳаловат баранд.

Март 11, 2016 15:22

Хабарҳои дигари ин бахш

Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад
Дар Вазорати адлия бахшида ба Рӯзи Ваҳдати миллӣ ҳамоиши идона доир гардид
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши тантанавӣ доир шуд
Кормандони Корхонаи воҳиди давлатии «Роҳи оҳани Тоҷикистон» Рӯзи Ваҳдати миллиро таҷлил намуданд
Бахшида ба Рӯзи Ваҳдати миллӣ омӯзгорони фаъоли пойтахт қадрдонӣ карда шуданд
Намояндагони ВАО бо хизматрасониҳои алоқаи барқӣ дар вилояти Суғд шинос мешаванд
Имрӯз дар шаҳри Душанбе ҳаво то 37 дараҷа гарм мешавад