Каратечиёни тоҷик дар меҳмонии Сафорати Тоҷикистон дар Олмон
Душанбе, 25.03.2016. (АМИТ Ховар). -Ҳафтаи равон дастаи варзишгарони Федератсияи карате киёкушинкайи Тоҷикистон барои иштирок дар чемпионати кушоди Аврупо оид ба карате-киёкушинкай дар шаҳри Берлини Олмон қарор доштанд. Дар ин чемпионат ҳайати ҳафтнафараи варзишгарони тоҷик таҳти роҳбарии раиси федератсияи мазкур мураббии шинохта Ҳикматулло Кароматов ширкат варзиданд. Дар чемпионати кушоди Аврупо сенздаҳ кишвар ва дусаду ҳафтод варзишгар иштирок доштанд. Варзишгарони тоҷик дар ин сабқат хуб ҳунарнамоӣ карда, сазовори як медали нуқра ва чор медали биринҷӣ гардида, боиси боло шудани парчами кишварамон дар ин давлати аврупоӣ гардиданд. Ҳайати варзишгарони кишварро дар сафоратхонаи Тоҷикистон дар Олмон сафир Маликшо Неъматов пазироӣ намуда, ғолибонро бо натиҷаҳои ба дастовардаашон табрик кард. Сафир ҳангоми суҳбат бо варзишгарон иброз дошт, ки ҳар як натиҷаи варзишӣ ва боло шудани парчами миллӣ дар кишварҳои гуногун боиси ифтихор ва муаррифии давлати соҳибистиқлоламон мегардад.
Вобаста ба таҳияи омори расмии раванди мутобиқшавӣ ба тағйирёбии иқлим ҳамоиш доир шуд
Дар доираи Солҳои рушди иқтисоди рақамӣ ва инноватсия таҷҳизоти нигоҳдорӣ ва истифодаи китобҳо беҳтар мегардад
Барои дарёфти «Ҷоми ректори Донишгоҳи технологии Тоҷикистон» мусобиқаи варзишӣ эълон карда шуд
ИСТИФОДАИ САМАРАНОКИ ЗАМИН. Таваҷҷуҳи сокинон ба парвариши маҳсулот дар гармхона бештар гардидааст
Моҳи май дар Душанбе Форуми ХVIII зиёиёни эҷодкор ва олимон баргузор мешавад
Дар Истаравшан вобаста ба истифодаи оқилонаи неруи барқ ҳамоиш баргузор гардид
Имрӯз дар Тоҷикистон сар задани селҳои маҳаллӣ аз эҳтимол дур нест
Озмуни экологии «Моҳи ҳифзи пиряхҳо 2025» ҷамъбаст гардид
Дар Донишгоҳи давлатии Кӯлоб оид ба таъсири интернет ва расонаҳои рақамӣ конфронс доир шуд
Вазъ ва мушкилоти таълими фанни мантиқ дар мактабҳои олии Тоҷикистон баррасӣ гардид
Имрӯз дар Тоҷикистон ҳаво то 35 дараҷа гарм мешавад
Вобаста ба нақши Мирзо Турсунзода дар рушди адабиёт ва фарҳанги миллӣ конфронс баргузор гардид
