Мавзуна Чориева ба Чин сафарбар гардид
Душанбе, 17.03.2016. (АМИТ «Ховар»).-Мавзуна Чориева, барандаи медали биринҷии Бозиҳои тобистони олимпӣ Лондон — 2012, узви дастаи мунтахаби Ҷумҳурии Тоҷикистон барои иштирок дар ҷамъомади таълимӣ-варзишӣ ва мусобиқаи байналмилалӣ оид ба бокс ба шаҳри Урумчӣ ва шаҳри Кияняни Ҷумҳурии Мардумии Чин сафарбар гардид. Сафари муштзани маъруфи тоҷик Мавзуна Чориева то 3 апрели соли 2016 идома ёфта, ӯро мураббияш Мирзо Шамсиев ҳамроҳӣ менамояд.
Ин сафари варзишгари тоҷик бо мақсади иштироки узви дастаи мунтахаби Ҷумҳурии Тоҷикистон дар ҷамъомади таълимӣ-варзишӣ ва мусобиқаҳои байналмилалӣ ва иҷрои қисми 7 банди 6 «бокс», нақшаи маблағгузории Тақвими ягонаи чорабиниҳои оммавӣ, варзишӣ, солимгардонӣ ва иштирок дар мусобиқаҳои байналмилалӣ дар соли 2016 рӯи даст гирифта шудааст.
Мавзуна Чориева, ки соли 2012 дар Бозиҳои тобистонаи олимпии Лондон — 2012 соҳиби медали биринҷӣ гардид, ба бозиҳои Олимпии Рио-Де-Женейро омодагии ҷиддӣ мебинад.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
