Мулоқоти кордори Сафорати Ҷумҳурии Тоҷикистон дар Арабистони Саудӣ бо шоҳзодаи Саудӣ
Душанбе, 11.03.2016. (АМИТ «Ховар»). — 9 марти соли 2016 мулоқоти кордори сафорат Саидҷон Шафиев бо муовини раиси Кумитаи сармоягузории Мамлакати Арабистони Саудӣ ва раиси Маркази миллии рақобатпазирӣ шоҳзода Сауд ибни Холид ал-Файсал дар бинои кумитаи мазкур доир гардид. Дар ҷараёни мулоқот, ки дар фазои якдигарфаҳмӣ ва ҳусни таваҷҷуҳи мутақобила сурат гирифт, ҷониби Тоҷикистон аз ҷаласаи якуми Комиссияи муштараки байниҳукуматии Ҷумҳурии Тоҷикистон ва Мамлакати Арабистони Саудӣ ёдовар шуд.
Намояндаи Тоҷикистон дар хусуси баргузории ҷаласаи дуюми Комиссияи муштараки байниҳукуматии Ҷумҳурии Тоҷикистон ва Мамлакати Арабистони Саудӣ оид ба ҳамкории тиҷоратию иқтисодӣ ва илмию техникӣ, ки ҷониби Саудӣ доир гардидани онро дар нимсолаи аввали соли 2016 пешниҳод намуда буд, изҳори назар намуд.
Намояндаи сафорат аз шароит ва имкониятҳои сармоягузорӣ дар Ҷумҳурии Тоҷикистон таъкид карда, пешниҳод намуд, ки байни ду кишвар Ёддошти тафоҳум барои ҳамкорӣ дар соҳаи сармоягузорӣ, омода гардад, ки он барои таҳкими минбаъдаи ҳамкорӣ заминаи устуворро фароҳам хоҳад овард.
Шоҳзода Сауд ибни Холид ал-Файсал ин пешниҳоди ҷониби Тоҷикистонро мусбат арзёбӣ кард.
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Имрӯз дар ноҳияҳои алоҳидаи кӯҳии Тоҷикистон борон меборад
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
