Намоиши фарҳангии Ҷопон дар Душанбе

Душанбе, 02.03.2016 (АМИТ «Ховар»).- Вазири фарҳанги Ҷумҳурии Тоҷикистон Шамсиддин Орумбекзода бо сарпарасти Сафорати Ҷопон дар Ҷумҳурии Тоҷикистон Такаши Камада мулоқот намуд. Дар мулоқот масъалаи рӯзҳои 12 — 13 марти соли равон дар Маркази исмоилияи шаҳри Душанбе баргузории чорабинии махсуси намоиши фарҳангии Ҷопон мавриди баррасӣ қарор гирифт. Тибқи барнома рӯзи аввал намоиши санъати Икебана ва Консерти КОТО, Шамисен (асбобҳои торӣ) ва намоиши кимоно ва рӯзи дуввум МОЧИ (куфтаи биринҷ), Фестивали БУДО (Маҷмӯи варзишҳои ҷопонӣ) ва АВАОДОРИ (Рақси суннатии Ҷопон) пешбинӣ гардидаанд.
Ҳамзамон намоиши филмҳои муосир «Аз ман ба ту», инчунин САДО (Маросими тайёр намудани чой), СЁДО (ҳунари хушнависӣ), ЮКАТА (либоси суннатии ҷопонӣ), ОРИГАМИ ва амсоли инҳо манзури тамошобинон мешаванд.