Неруҳои амниятии Тунис гурӯҳи хурди ДИ-ро ошкор карданд
Душанбе, 14.03.2016 (АМИТ «Ховар»).- Неруҳои амниятии Тунис гурӯҳи хурди террористонро дар шаҳри Буссалеми музофоти Ҷендуба ошкор карданд. Дар ин бора радиои «Шемс ФМ»-и Тунис бо такя ба манбаъ дар мақомоти амниятӣ хабар медиҳад.
Бино ба маълумоти манбаъ, «ба неруҳои амниятӣ муяссар шудааст, ки тамоми аъзои ин гурӯҳи ҷиноии 8 нафараро, ки ба созмони террористии «Давлати исломӣ» марбутанд, боздошт кунанд». Ҳангоми кофтуков аз боздоштшудагон воситаҳои электронии паҳнкунандаи иттилоот, ки дар онҳо маълумот дар бораи нақшаю вазифаҳои ин гурӯҳи хурд маҳфуз буд, дарёфт ва мусодира гардид.
7 март гурӯҳи ҷангиёни ДИ сарҳади миёни Тунис ва Либияро убур карда, ба дидбонгоҳи сарҳадӣ ва бошишгоҳи Гвардияи миллӣ дар шаҳри Бен-Гурдан ҳамла карданд. Дар натиҷаи ҳамла 7 сокини осоишта ва 13 ходими ҳарбӣ ҳалок шуда, 19 тани дигар ҷароҳат бардоштанд. Аз рӯи маълумоти расмӣ, ба неруҳои ҳифзи ҳуқуқ муяссар шуда, ки 49 ҷангиро маҳв кунанд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
