Оё Платиниро ба бозиҳои EURO-2016 даъват мекунанд?

Душанбе, 3.03.2016 (АМИТ «Ховар»).-То оғози бозиҳои EURO-2016 -98
рӯзи дигар боқӣ мондааст. Аз ин хотир Мишел Платини, собиқ президенти УЭФА ба Суди арбитражии варзишӣ муроҷиат кардааст, ки муҷозоташро дар мавриди аз футбол ба муҳлати 6 сол дур андохтан аз нав қазоват кунанд. Аз ин пештар муҳлати аз футбол рондани Платинӣ ва Блаттер 8 сол буд, аммо Кумитаи даъво (апелятсионӣ)-и FIFA чанд рӯз пештар ду солро аз он кам намуда, онро ба 6 сол муқаррар кард.
Дар мусоҳиба бо хабарнигори L’Equipe, президенти федератсияи футболи Фаронса Ноэл Ле Грет гуфтааст: “Мехоҳам, ки ӯро (ба бегуноҳӣ) сафед кунанд. Агар аз футбол ронда шуданаш то бозиҳои ниҳоӣ идома ёбад ҳам, ман ӯро ба бозиҳо даъват мекунам. Ман аз чунин вазъият маҳзунам”.