Пирӯзии дастаи мунтахаби наврасони футболи Тоҷикистон

Душанбе, 17.03.2016 (АМИТ «Ховар»).-Дар варзишгоҳи “Хистеварз”-и ноҳияи Бобоҷон Ғафуров вохӯрии дӯстонаи дастаҳои мунтахаби то 16 -солаи Тоҷикистон ва Қазоқистон баргузор шуд. Футболбозони мо дар ин вохӯрӣ бо натиҷаи 2 бар 1 ғалаба карданд. Голҳоро Фаридун Неъматов ва Тоҳир Малодӯстов, ки узви дастаи КМВА “Помир” мебошанд, ба ҳадаф расониданд. Муаллифи ягона голи ҷавобӣ Денис Красноперов аз дастаи меҳмонон гардид. Дар назар аст, ки бозии дуввуми ин дастаҳо рӯзи 18 март дар ҳамин варзишгоҳ баргузор шавад. Дастаи мунтахаби мо бо чунин ҳайат ба майдон омад:
Рустам Давлатов, Султоншо Мирзоев, Ҳувайдо Малиев, Манучеҳр Сафаров, Ҳусейн Нурматов, Фаридун Неъматов, Шервонӣ Мабатшоев (Саидмухтор Азимов, 55), Далер Ёдгоров, Рамз Амрохонов, Тоҳир Малодӯстов ва Мубинҷон Мӯминов (Комрон Алиев, 52).