Рўзи дарҳои кушод дар Донишкадаи соҳибкорӣ ва хизмат

Душанбе, 10.03.2016 (АМИТ «Ховар»). -12 марти соли равон дар Донишкадаи соҳибкорӣ ва хизмати Вазорати саноат ва технологияҳои нави Ҷумҳурии Тоҷикистон Рўзи дарҳои кушод доир мегардад. Раёсати донишкада ҳамаи хатмкунандагони муассисаҳои таҳсилоти миёнаи умумӣ, литсею коллеҷҳоро барои иштирок дар ин чорабинӣ даъват менамояд. Хатмкунандагони муассисаҳои таҳсилоти миёнаи умумӣ, литсею коллеҷҳоро раёсати донишкада ва устодону донишҷўён пазироӣ намуда, онҳоро бо ихтисосу тахассусҳои донишкада, шароиту имкониятҳои барои таълиму тарбияи шогирдон мавҷуда, синфхонаҳо, озмоишгоҳҳо, китобхонаҳои илмӣ ва электронию технопаркҳо ошно месозанд.
Ҳамзамон зерсохторҳои донишкада барои довталабон дастовардҳои донишкадаро муаррифӣ хоҳанд кард. Дар баробари ин, барои меҳмонон ва довталабон аз ҷониби гурӯҳи ҳунарии «Соҳибкор» барномаи рангини ҳунарӣ тақдим мегардад.
Марҳабо ба Рўзи дарҳои кушод!