Ш. Нуралӣ: «Пешвои миллат тавонист, ки мақом ва манзалати ҷашни хусравониро баландтар бардорад»
Душанбе, 20.03.2016. (АМИТ «Ховар»).— «Мо аҳли зиё аз ин мулоқот таассуроти баланд бардоштем. Он баҳогузорие, ки имрӯз Пешвои миллат муҳтарам Эмомалӣ Раҳмон ва меҳмонони олиқадр барои байналмилалӣ гардидани Наврӯз карданд, бисёр асоснок ва қобили қабул буд», -гуфт Шоҳиён Нуралӣ, ректори Донишгоҳи технологии Тоҷикистон пас аз мулоқот ва суханронии Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Ҳамоиши байналмилалии адибони ҳавзаи Наврӯз ва мулоқот бо зиёиёни кишвар, ки имрӯз дар «Кохи Борбад»-и пойтахт баргузор шуд.
Ӯ илова намуд, ки ибрози андеша ва баҳогузории иштирокдорони ин ҳамоиши байналмилалӣ нисбат ба ибтикорот ва хизматҳои Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар самти ҷаҳонишавии Наврӯз ва ҳамоиши имрӯза, хеле таъсирбахш буд.
«Ин ҳама пешравию зебоипарастии халқи тоҷик ба мо умедҳои нав бахшид. Аз он меболем, ки тоҷикистонӣ ҳастем. Аз он меболем, ки чунин Пешвои миллат дорем. Сарвари тоҷикони рӯи олам тавонист, ки ҷашни Наврӯзро ба ҷаҳониён васеъ тарғиб карда, мақом ва манзалати ин ҷашни хусравониро баландтар бардорад»-, тазаккур дод Шоҳиён Нуралӣ.
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
Дар шаҳри Душанбе ҳашари экологии «Тозагии маҳал» гузаронида шуд
Дар Остона ҷаласаи намояндагони аршади Саммити Осиёи Марказӣ-Ҷумҳурии Корея баргузор гардид
