Табрикоти Шӯрои марказии ТҶҶ «Созандагони Ватан» бахшида ба ҷашни Наврӯзи байналмилалӣ

Март 21, 2016 13:13

Душанбе,21.03.2016. (АМИТ «Ховар»).-Ташкилоти «Созандагони Ватан» ҳамватанони гиромӣ ва ҷавонони саодатманди кишварро бо ҷашни Наврӯзи байналмилалӣ сидқан табрик гуфтааст. Дар он аз ҷумла омадааст:
Мо дар рӯзҳои таҷлил аз ҷашни Наврӯзи оламафрӯз, ки чанд сол аст мақоми байналмилалӣ гирифтаву ҷаҳониён онро ҷашн мегиранд,  қарор дорем.
Наврӯз пайвандгари наслҳои имрӯзу фардо бо расму ойинҳо ва  арзишҳои миллӣ, инъикосгари эҳёи табиат, сафобахшандаи қалбҳо, оғози ҳаёту ҳастии ҷадид ва марҳилаҳои нави шурӯъ бахшидан ба ҳаёти беҳтар мебошад.
Бо омадани Наврӯз табиати биҳиштосои Ватани маҳбубамон- Тоҷикистони озоду соҳибистиқлол аз нав зинда гардида, гармӣ бар сардӣ, рӯшноӣ ба торикӣ, кӯшишу ҳаракат бар ақибмондагию оромӣ ғалаба мекунад.
Наврӯз иди ниёгони мо мебошад, ки ба мо наслҳои имрӯза мерос монда, арҷгузорӣ ба ин ҷашни миллӣ- эҳтиром ба гузаштагон ва расму русуми онҳо мебошад.
Аз ин рӯ, ҳар яки мо, бахусус ҷавононро мебояд, ки бо ин  мероси аҷдодони худ, пеш аз ҳама, бифахрем, онро ҳифз намоем ва ба ояндагон поку беолоиш эҳдо намоем.
Дар марҳилаи муосири  ҷамъиятӣ моро лозим аст, ки барои татбиқи сиёсати пешгирифтаи давлату Ҳукумати кишвар, бахусус Асосгузори Сулҳу Ваҳдати миллӣ, Пешвои миллат, Президенти ҶТ муҳтарам  Эмомалӣ  Раҳмон  дар самти эҳё ва нигоҳдошти ҷашнҳои миллӣ, аз  ҷумла Наврӯз кору пайкори бештаре намоем, онро таблиғ намоем, дар замири ҷавонон эҳтиром ба онҳоро тарбия намоем ва ба ин васила онро гиромӣ дорем.
Наврӯзатон пирӯз бод, ҳамватанони азиз!

Шӯрои Марказии Ташкилоти
ҷамъиятии ҷавонон «Созандагони Ватан»
шаҳри Душанбе
19 марти соли 2016

Март 21, 2016 13:13

Хабарҳои дигари ин бахш

Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад