Тамаъҷӯӣ бо роҳи таҳдиди бадномкунӣ

Душанбе, 14.03.2016. (АМИТ «Ховар»).-Зимни гузаронидани чорабиниҳои фаврӣ-ҷустуҷӯӣ аз ҷониби кормандони милдитсия ду сокини 21-солаи ноҳияи Мастчоҳ барои тамаъҷӯӣ дастгир гардиданд. Номбурдагон 4 марти соли равон бо маслиҳати пешакӣ аз ҳамдеҳаи худ, сокини 22-солаи ноҳияи Мастчоҳ бо роҳи тамаъҷӯӣ ва таҳдиди фош намудани маълумоти беобрӯкунанда, ки гӯё ӯ бо духтарони деҳаашон муносибатҳои ошиқона доштааст, 2000 сомонӣ талаб кардаанд. Рӯзи 11 март гумонбаршудагон ҳангоми гирифтани 1800 сомонӣ дастгир шуданд. Нисбат ба далели мазкур парвандаи ҷиноятӣ оғоз гардида, тафтиш идома дорад.