ВАО дар бораи марги клиникии роҳбари низомии ДИ хабар дод
Душанбе, 14.03.2016 (АМИТ «Ховар»).- Ба ном вазири мудофиаи «Давлати исломӣ» Абу Умар аш-Шишанӣ дар ҳолати марги клиникӣ қарор дорад. Ӯ дар натиҷаи зарбаи ҳавоии Амрико ҷароҳати вазнин бардоштааст.
Тавре ки ба шабакаи телевизионии «Al Arabiya» намояндаи ҳуқуқи башар дар Сурия Рами Абдул Раҳмон хабар дод, дар натиҷаи зарбаҳои ҳавоӣ аш-Шишанӣ, ки масъули амалиёти ҳарбии «Давлати исломӣ» аст, ҷароҳати вазнин бардошта, дар ҳолати марги клиникӣ қарор дорад.
Бино ба маълумоти шабакаи телевизионӣ, террорист наметавонад худ нафас гирад ва бо дастгоҳи махсус ба ӯ нафаси сунъӣ дода мешавад. Ҳоло ӯ дар беморхонае дар шарқи музофоти Раққаи Сурия қарор дорад.
8 март агентии иттилоотии «Reuters» бо истинод ба манобеъ дар ИМА иттилоъ дода буд, ки эҳтимол аш-Шишанӣ дар натиҷаи зарбаҳои ҳавоӣ фавтидааст, вале дар Вашингтон ин маълумотро натавонистанд тасдиқ кунанд.
Баъдтар фаъолони ҳуқуқи башар иттилоъ доданд, ки аш-Шишанӣ зинда аст, вале ҷароҳати вазнин бардоштааст. Дар бораи вазъияти ӯ маълумоти муфассал дода намешавад.
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Имрӯз дар ноҳияҳои алоҳидаи кӯҳии Тоҷикистон борон меборад
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
