Фурудгоҳ тайи се моҳ чӣ корҳоро ба иҷро расонд?

Душанбе, 12.04.2016. /АМИТ «Ховар»/. Дар семоҳаи аввали соли равон аз хизматрасониҳои «Фурудгоҳи байналмилалии Душанбе» 229 ҳазору 480 нафар истифода намудаанд, ки 101 ҳазору 211 нафари онҳо ворид гардида, 128 ҳазору 269 нафар сафар намудаанд. Дар ин давра 368 тонна бор а ворид ва 62 тонна бор содир шудааст.
Дар ҷаласаи ҷамъбасти семоҳаи ҶСК «Фурудгоҳи байналмилалии Душанбе» зикр гардид, ки новобаста ба буҳрони иқтисодӣ фаъолияти семоҳаи фурудгоҳ хуб ҷамъбаст гардид.
Дар се моҳи аввали соли равон дар «Фурудгоҳи байналмилалии Душанбе» корҳои техникӣ, барқарорсозии таваққуфгоҳи ҳавопаймоҳо, қисман корҳои тамғазании хатҳои таваққуфгоҳи мошинҳо анҷом дода шуданд.
Дар ин давра кормандони фурудгоҳ машқҳои зиддисӯхторӣ ва наҷотдиҳиро низ доир намуданд.