Футбол: духтарони минтақаи Осиё вориди бозӣ мешаванд
Душанбе, 21.04.2016 /АМИТ «Ховар»/. Дар Тоҷикистон бори нахуст Чемпионати Осиё оид ба футбол байни духтарони то 14-сола аз 26-уми апрел то 1 май гузаронида мешавад. Дар он тимҳои мунтахаби Тоҷикистон, Эрон, Бангладеш, Ҳиндустон, Қирғизистон, Непал ва Бутан ширкат меварзанд.
Дастаи мунтахаби Тоҷикистон дар гурӯҳи “А” бо футболбоздухтарони Эрон(26 апрел), Бутан(27 апрел) ва Қирғизистон(28 апрел) қувва меозмояд. Ҳамаи вохӯриҳои дастаи мунтахаби кишварамон дар мавзеи Алмосии ноҳияи Ҳисор дар майдони Академияи “Истиқлол” доир хоҳанд шуд.
Бозии дастаҳои мунтахаби гурӯҳи “В” дар варзишгоҳи «Авиатор» сурат мегирад ва иштирокдорони ин гурӯҳ аз Бангладеш, Непал ва Ҳиндустон мебошанд.
Аз рӯи низомномаи мусобиқа, аз ду гурӯҳ соҳибони мақомҳои аввал ва дуввум ба бозиҳои нимниҳоӣ роҳхат мегиранд ва рӯзи 30 апрел бо ҳам мусобиқа мекунанд.
Бозии ниҳоӣ дар варзишгоҳи «Авиатор» 1 май, соати 16 баргузор ва ғолиби мусобиқа муайян мегардад.
Ба дастаҳои соҳиби ҷойҳои ифтихорӣ медалҳо тақдим мешаванд.
Дар мусобиқа нишонзани беҳтарин ва бозингари беҳтарин низ муайян карда хоҳанд шуд.
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
