Кофтукови ҷасади писарбачаи шашмоҳа идома дорад

Душанбе, 4.04.2016. /АМИТ «Ховар»/. Ҷасади зани худкуш аз як мавзеи деҳаи Мавлавии ноҳияи Рўдакӣ зимни корҳои кофтуковию ҷўстуҷӯии кормандони Маркази наҷотдиҳии Кумитаи ҳолатҳои фавқулода ва мудофиаи гражданӣ ва аҳолии деҳаи номбурда дарёфт гардида, кофтукови ҷасади писарбачаи ноболиғи ӯ идома дорад.
Тавре ки аз Хадамоти матбуоти Кумитаи ҳолатҳои фавқулода ва мудофиаи гражданӣ ба АМИТ «Ховар» хабар доданд, дар маркази шаҳри Ваҳдат назди бозори «Хайр» рўзи 2 апрел соати 07:50 дақиқа зани шахсияташ номаълум худ ва кўдаки ноболиғашро аз болои пули мошингузар ба дарёи Кофарниҳон партофтааст.
Бино ба иттилои кумита, он зан Раҳимова Мафтуна Абдузоировна, соли таваллудаш 1996, истиқоматкунандаи деҳаи Файзободи кўҳнаи ноҳияи Файзобод будааст. Мавсуф аз сабаби ҷанҷоли оилавӣ ба хонаи падараш ба шаҳри Ваҳдат кўчаи Бинокорон №-44 омада, худро бо писарчаи шашмоҳааш ба дарё партофтааст.