Наврасони хонаи кӯдакони Шаҳринав ва Бӯстон ба Сочи мераванд

Душанбе, 20.04.2016 /АМИТ «Ховар»/. Дар шаҳри Душанбе вохӯриҳои ниҳоии футболбозони навраси хона-интернатҳои кӯдакони мамлакат таҳти шиори “Оянда аз ту вобаста аст”, ки ширкати “Мегафон” ҳамасола барпо мекунад, бо ғалабаи кӯдакони Бӯстон(2001-2002) ва Шаҳринав(2003-2004) ҷамъбаст шуд.
Ба ҳамин тариқ, ин ду дастаи ғолиб дар мусобиқаи байналмилалӣ, ки дар шаҳри Сочии Федартсияи Русия мегузарад, иштирок карда, барои Ҷом мубориза мебаранд.
Тавре Денис Никитин, директори иҷроияи ширкати “Мегафон” дар суҳбат арз кард, соли 2011 ба футболбозони шаҳри Хуҷанд муяссар шудааст, ки дар финали шаҳри Сочи ғолиб омада, роҳхатро ба дидори футболбозонии клуби “Арсенал”-и Англия ба даст оранд ва ба Лондон раванд. Имсол ҳам боварӣ дорем, ки кӯдакони мо ба муваффақият комёб хоҳанд шуд.