Сарбозони КДАМ хизмати Ватанро сарбаландона адо намуданд
Душанбе, 19.04.2016 /АМИТ «Ховар/. Имрӯз дар Маркази таълимии «Пойтахт»-и қӯшунҳои сарҳадии КДАМ ҶТ чорабинии фарҳангӣ бахшида ба гусели сарбозони даъвати баҳории соли 2014 баргузор гардид.
Чорабинӣ бо садо додани суруди миллӣ, парафшон гардидани парчам ва оростани саф аз ҷониби афсарон ва сарбозони навдаъватшуда дар майдони асосии қисми ҳарбӣ оғоз гардида, зиёда аз 40 нафар сарбозе, ки муҳлати хизматашон ба итмом расида буд, рухсат карда шуданд.
Сардори маркази таълимии «Пойтахт» Баҳриддин Муминҷонзода ҳамаи хизматчиёни ҳарбиеро, ки муҳлати хизматашон ба итмом расидааст, табрик намуда, онҳоро барои минбаъд содиқ будан ба Ватан ҳидоят намуд.
Аз ҷониби мушовири калони намояндагии сарҳадбонони Федералии Русия Алишер Ёғибеков табрикоти намояндагони саҳадбонони рус ба ҳозирин ва сарбозон расонида шуд.
Сипас бо хондани амру фармонҳо дар маросими тантанавӣ супоридани билетҳои ҳарбӣ ва баъзе аз сарбозоне, ки зимни хизмат саҳми арзандаи худро гузоштанд, аз ҷониби масъулин бо рутбаҳои сержанти хурд, ифтихорномаҳо ва нишонаҳои сарисинагии «Қӯшунҳои сарҳадӣ» қадрдонӣ шуданд.
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ вориди шаҳри Тошканд гардиданд
Имрӯз дар шаҳри Душанбе борон меборад
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
