«Тоҷикстандарт»: Якдилона ба райъпурсӣ

Душанбе, 25.04.2016 /АМИТ «Ховар»/. Бо мақсади дар сатҳи баланди сиёсӣ баргузор гардидани раъйпурсии умумихалқӣ оид ба тағйиру иловаҳо ба Конститутсияи (Сарқонуни) Ҷумҳурии Тоҷикистон, ки 22 майи соли равон дар назар аст,  роҳбарияти Маркази стандартизатсия, метрология, сертификатсия ва нозироти савдои «Тоҷикстандарт»-и вилояти Хатлон бо кормандони соҳа вохӯрӣ доир намуданд.
Дар вохӯрӣ зикр гардид, ки ворид гардидани тағйиру иловаҳо ба Конститусияи Ҷумҳурии Тоҷикистон барои мусоидат намудан дар рушди минбаъдаи равандҳои демократикунонии ҳаёти ҷомеа, ҳуқуқу озодиҳои инсон ва кафолати риояю ҳифзи онҳо равона шудааст.
Зикр гардид, ки бо дарки масъулияти баланди шаҳрвандӣ барои таблиғи корҳои фаҳмондадиҳӣ оид ба иштироки фаъолонаи шаҳрвандон дар раъйпурсии умумихалқӣ тадбирҳои мушаххас андешида шуда, дар рӯзи райъпурсӣ ҳама фаъолона иштирок намоянд.