Ҳаҷми истеҳсоли гӯшт 4,1 фоиз зиёд шудааст

Душанбе, 28.05.2016. /АМИТ «Ховар»/.  Дар моҳҳои январ-апрели соли 2016 ҳаҷми истеҳсоли гӯшт дар ҳамаи категорияҳои хоҷагиҳо 39 ҳазору 489 тоннаро ташкил намуд, ки нисбат ба ҳамин давраи соли 2015 — 4,1 фоиз зиёд аст. Дар ҳамин давра истеҳсоли гӯшт дар хоҷагиҳои вилояти Суғд 7,5 %, вилояти Бадахшон 4,5%, Хатлон 4,1%, зиёд шудааст.
Ҳаҷми истеҳсоли гӯшт дар шаҳру ноҳияҳои Файзобод 15,9%, Роғун 14,7% ва Варзоб 5,6 фоиз кам шудааст.
Ҳаҷми умумии истеҳсоли шир дар ҳамаи шаклҳои хоҷагидорӣ дар се моҳи авали соли равон 220822 тоннаро ташкил намуд, ки нисбат ба ҳамин давраи соли гузашта 4,3 фоиз зиёд мебошад.
Тибқи вазъи иҷтимоию иқтисодии ҶТ, истеҳсоли шир дар хоҷагиҳои вилояти Суғд 6,7 %,вилояти Бадахшон 6,2 %, вилояти Хатлон 3,4 фоиз афзудааст.
Ҳаҷми истеҳсоли шир дар шаҳру ноҳияҳои Варзоб 18,4 фоиз, Роғун 4,9 фоиз ва Файзобод 2,0 фоиз кам шудааст.
Таносуби шири истеҳсолкардаи хоҷагиҳои аҳолӣ дар ҳаҷми уммумӣ 93, 3 фоиз, дар вилоятҳои Бадахшон 99,7%, Хатлон 93,6 фоиз, Суғд 93,3 фоиз ва шаҳру ноҳияҳои тобеи ҷумҳурӣ 92,5 фоизро ташкил медиҳад.