Бунёди иншооти нав дар Шуғнон ба ифтихори ҷашни Ваҳдати миллӣ
Душанбе, 18.05.2016 /АМИТ «Ховар»/. Ба ифтихори 19-умин солгарди Рӯзи Ваҳдати миллӣ дар ноҳияи Шуғнони ВМКБ якчанд иншоот мавриди баҳрабардорӣ қарор дода мешаванд, ки яке аз онҳо мактаби нави ба номи аввалин генерали тоҷик Мастибек Тошмуҳаммадов дар ҷамоати деҳоти Поршневи ин ноҳия мебошад.
Мактаби мазкур барои 464 хонанда пешбинӣ шуда, аз 18 синфхонаи таълимӣ иборат аст. Дар ин баробар муассисаи таълимии мазкур дорои кабинетҳои химия, физика, толори компютерӣ, китобхонаи электронӣ, толори варзишӣ, маҷлисгоҳи умумӣ ва ошхона буда, тамоми синфхонаҳо ва кибинетҳои фаннӣ бо лавозимоти хонишу технологияи муосир муҷаҳҳаз гардонида мешаванд.
Дар атрофи ин муассисаи таълимӣ, ки масоҳати умумии он дар маҷмӯъ 1,5 га мебошад, дарахтони сояафкан ва мевадиҳанда шинонида хоҳанд шуд.
Тавре аз мақомоти иҷроияи ҳокимияти давлатии ноҳияи Шуғнон иттилоъ доданд, дар рӯзҳои ҷашни Ваҳдати миллӣ бинои нави Раёсати кишоварзии ноҳия низ мавриди истифода қарор гирифта, барои бунёди Қасри фарҳанг санги асос гузошта мешавад.
Дар Хоруғ маркази савдои муосир ба истифода дода шуд
Дар баъзе минтақаҳои Тоҷикистон баландшавии ҳолати ифлосшавии ҳавои атмосферӣ дар назар аст
Дар Суғд даври вилоятии озмуни «Беҳтарин хизматчии давлатӣ аз ҳисоби занон» доир гардид
Ҳайати Тоҷикистон дар Форуми ҷавонони Осиё Марказӣ дар Ашқобод иштирок намуд
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Китоби «Садриддин Айнӣ. Феҳристи адабиёт» рӯнамоӣ гардид
Имрӯз дар шаҳри Душанбе ҳаво то 38 дараҷа гарм мешавад
«МегаФон Тоҷикистон» шабакаро ба суръатҳои нави гигабитӣ омода менамояд
Бахшида ба 34-солагии Истиқлолияти давлатии Тоҷикистон дар шаҳри Пенза ҳамоиш доир шуд
«ИСТИҚЛОЛ-НЕЪМАТИ БЕБАҲО». Дар ин мавзуъ дар Донишгоҳи давлатии Хоруғ конференсияи илмӣ доир гардид
Донорҳо аз Бунёди Lives & Livelihoods дастовардҳо дар соҳаи ҳифзи саломатии модар ва кӯдакро дар Тоҷикистон таҷлил менамоянд
