Дар гулӯлаборонҳои Ҳалаб то охири моҳи апрел қариб 50 кӯдак ба ҳалокат расиданд

Душанбе, 12.05.2016 / АМИТ «Ховар» /. Дар натиҷаи гулӯлаборонҳои ҷангиён дар шаҳри Ҳалаби Сурия, то охири моҳи апрели соли равон 49 нафар кӯдакон нобуд гардида, ҳазорон ғайринизомиён ҷароҳатҳо бардоштаанд, иттилоъ дод РИА «Новости» бо такя ба як манбаи беморхонаи марказии шаҳр.
«Шумораи қурбониён дар давраи аз 24 апрел то 11 майи соли равон ба 136 нафар расид, ки аз онҳо 63 нафар мард, 24 зан ва 49 кӯдак буданд. Ҳазорон нафар ҷароҳат бардоштанд, ки аз он 300 -тоаш миёна ва сахт арзёбӣ мешавад», — гуфтанд дар муассисаи тандурустӣ.
Сарфи назар аз он ки аз ҷониби фармондеҳии артиши Сурия оташбас эълон шудааст, гурӯҳҳои террористӣ ба амалҳои низомии худ идома дода, хусусан шаҳри Ҳалабро мавриди гулӯлаборонҳои миномётӣ ва мушакӣ қарор медиҳанд.
Неруҳо чандин маротиба кӯшиши ҳамла ба шаҳрро намуданд, вале тамоми ҳамлаҳо аз ҷониби низомиёни Сурия пешгирӣ карда шуданд.