Дар Панҷакент барои оилаҳои аз офати табиӣ зарардида қитъаи замини наздиҳавлигӣ ҷудо шуд
Душанбе, 18.05.16./АМИТ «Ховар»/. Дар шаҳри Панҷакент корҳои барқарорсозии иншооти хоҷагии халқ, ки аз селобҳои рӯзҳои 9, 10 ва 11 май хисороти зиёд дида буданд, дар сатҳи баланд ба роҳ монда шудаанд.
Тавре ки ба АМИТ «Ховар» аз хадамоти матбуоти раиси вилояти Суғд хабар доданд, оилаҳои сокинони аз офати табиӣ зарардидаи деҳаи Дашти Қозӣ, Шӯрча ва дигар деҳоти Панҷакент ба мавзеъҳои бехавф кӯчонида шуда, бо хӯрокӣ ва маводи аввалияи рӯзгор таъмин карда шуданд.
Ба иттилои манбаъ, ҳамчунин аз ҷониби мақомоти иҷроияи ҳокимияти давлатии шаҳри Панҷакент ба оилаҳои зарардида қитъаҳои замини наздиҳавлигӣ барои бунёди манзили истиқоматӣ ҷудо гардид. Мутахасисони Идораи сохтмони асосии вилояти Суғд тибқи дастури раиси вилоят Абдураҳмон Қодирӣ ба шаҳри Панҷакент сафарбар шудаанд. Алҳол мутахассисон дар ҷои воқеъа қарор дошта, корҳои лоиҳакашии манзилҳои истиқоматиро барои оилаҳои зарардида оғоз намуданд.
Дар шаҳри Душанбе ҷашни Меҳргон таҷлил мегардад
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
