Дастаи варзишии Коллеҷи тиббии Хуҷанд беҳтарин даста дар Спартакиада гардид
Хуҷанд. 19.05.2016. /АМИТ Ховар/. Аз 13 то 15 майи соли равон дар чор толори варзишии шаҳри Душанбе Спартакиадаи 10-ум байни коллеҷҳои тиббии кишвар доир гардид. Дар ин мусобиқаи варзишии ҷумҳуриявӣ намояндагони 23 коллеҷи тиббии тамоми манотиқи кишварамон иштирок ва байни худ қувваозмоӣ намуданд. Тавре ки ба АМИТ Ховар масъулин аз шуъбаи кор бо ҷавонон, варзиш ва сайёҳии мақомоти маҳаллии шаҳри Хуҷанд иттилоъ доданд, ин навбат дар Спартакиадаи ҷумҳуриявӣ вилояти Суғдро 7 даста аз коллеҷҳои тиббии қаламрави вилоят намояндагӣ намуданд.
Варзишгарони коллеҷи тиббии шаҳри Хуҷанд дар ин чорабинии варзишӣ, ки аз рӯи чор намуд- волейбол, баскетбол, футболи хурд ва тенниси рӯимизӣ ҷараён гирифт, маҳорати хуб нишон дода, дар натиҷа соҳиби чор медали тилло гашта, дар ҳисоби байни дастаҳо мақоми аввалро сазовор гардиданд.
Бояд гуфт, ки дастаи варзишгарони Коллеҷи тиббии шаҳри Хуҷанд соли чорум аст, ки бо иштироки худ дар спартакиадаи мазкур маҳорати хуби варзишӣ нишон дода, байни 23 дастаи варзишии коллеҷҳои тиббии ҷумҳуриамон мақоми аввалро сазовор мегардад.
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
Имрӯз дар шаҳри Душанбе ҳаво то 31 дараҷа гарм мешавад
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
