Фестивал озмуни «Андалеб 2016» дар ноҳияи Бобоҷон Ғафуров доир шуд

Душанбе, 20.05.2016 /АМИТ «Ховар»/. Бо мақсади дарёфти истеъдодҳо дар байни ҷавонону наврасон, дирӯз дар Хонаи фарҳанги ҷамоати Унҷии ноҳияи  Бобоҷон Ғафуров фестивал- озмуни «Андалеб  2016» баргузор шуд.
Дар озмуни мазкур ҷавонону наврасони лаёқатманд ва боистеъдоди тамоми ҷамоатҳои шаҳраку деҳоти ноҳия ширкат намуда, расму оин, урфу одат ва анъанаҳои миллиро аз тариқи рақсу сурудҳои дилангез, саҳна ва намоишномаҳои ҷаззоб, ки инъикоскунандаи анъанаҳои бойи халқи тоҷик мебошанд, ба намоиш гузоштанд.
Иштирокдорони Фестивал-озмун  барои саҳми арзанда дар рушди соҳаи фарҳанги ноҳия бахшида ба 25-солагии Истиқлолияти давлатии Ҷумҳурии Тоҷикистон ва иштироки фаъолона дар Фестивал-озмуни «Андалеб-2016» бо сипоснома ва туҳфаҳои хотиравии   бахши фарҳанги ноҳия сарфароз гардонида шуданд.