Иштироки ҳар фарди ҷомеа дар раъйпурсӣ вазифаи конститутсионии ӯ мебошад
Душанбе, 17.05.16. /АМИТ «Ховар»/. Кормандони Раёсати Агентии назорати маводи нашъаовари (АНМН) назди Президенти ҶТ дар вилояти Суғд бо масъули шуъбаи Вазорати корҳои дохилии Ҷумҳурии Тоҷикистон дар ноҳияи Бобоҷон Ғафуров бо ҷалби ҷавонони фаъол доир ба зарурат ва муҳтавои тағйиру иловаҳо ба Конститутсияи (Сарқонуни) Ҷумҳурии Тоҷикистон вохӯрӣ баргузор намуданд.
Тавре ба АМИТ «Ховар» аз маркази матбуоти АНМН хабар доданд, ҳамчунин дар вохӯрӣ масъалаҳои пешгирии шомилшавии ҷавонону наврасон ба сафҳои созмону ҳаракатҳои террористиву ифротгаро ва тундрави мазҳабӣ, оқибатҳои ҳуқуқии содир намудани ҷиноятҳои марбут ба муомилоти ғайриқонунии маводи мухаддир ва зарари равониву ҷисмонии зуҳуроти нашъамандӣ ва амрози сироятӣ аз он мавриди баррасӣ қарор гирифт.
Иштирокдорон баргузории раъйпурсии умумихалқӣ оид ба ворид намудани тағйиру иловаҳо ба Сарқонуни Ҷумҳурии Тоҷикистонро амри зарурӣ хонда, иштироки ҳар як узви ҷомеаи Тоҷикистонро дар ҳаёти сиёсии мамлакат чун вазифаи конститутсионии ӯ арзёбӣ намуданд.
Зикр гардид, ки ҳар як ҷавони меҳанпараст ва миллатдӯст бояд бо азбар кардани дониши амиқ ва шуғл варзидан ба корҳои шоиста дар эъмори ҷомеаи рӯ ба рушд ва пешрави Тоҷикистон ҳисса гузошта, дар ростои пешгирии содиршавии аъмоли зиддиҳуқуқӣ ва ҷинояткорона дар байни ҳамсолони худ ва ҳидояти онҳо ба роҳи мақбули зиндагӣ кору иқдом намоянд.
Дар чорабиии мазкур нуктаҳои хосаи тағйиру иловаҳо ба Сарқонуни Ҷумҳурии Тоҷикистон тавзеҳ дода шуда, зарурати он, тақвияти асосҳои давлатдорӣ ва ба марҳалаи тозаи рушди мардумсолорӣ ворид шудани Ҷумҳурии Тоҷикистон маънидод шуданд.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
