Кӯлоб: Дави миллӣ- гоми қатъӣ ба сӯи нигаҳдошти саломатӣ
Кӯлоб, 16.05.2016 /АМИТ «Ховар»/. Кумитаи иҷроияи ҲХДТ дар шаҳри Кӯлоб дар якҷоягӣ бо Мақомоти иҷроияи ҳокимияти давлатии шаҳри Кӯлоб ва Кумитаи ҷавонон, варзиш ва саёҳии минтақаи Кӯлоб 15 май чорабинии марбут ба Рӯзи дави миллиро бо парчам ва нишонаи ҳизбӣ доир намуд, ки дар он афроди касбу кори гуногун ва ихтиёриён бо теъдоди зиёда аз 2000 нафар фаъолона ширкат варзиданд.
Дави миллӣ дар шаҳри Кӯлоб аз назди боғи ба номи Исмоили Сомонӣ шурӯъ шуда, дар назди бинои Мақомоти иҷроияи ҳокимияти давлатии шаҳри Кӯлоб ба анҷом расид.
Ихтиёриён дар ин пойга зиёда аз 3,5 километрро тай карда, ба ин восита тавонистанд нишон диҳанд, ки ба варзиш машғул шудан- ин гарави тансиҳатӣ, нигоҳи нек ба зиндагию одамон ва рафтори намунавӣ дар ҷамъият мебошад. Кумитаи иҷроияи ҲХДТ дар шаҳри Кӯлоб кӯшиш менамояд, то дар масъалаи арзёбии инкишофи ҷомеа ва оммавигардонии варзиш саҳми босазо гузорад.
Иштирокдорони фаъоли пойга бо ифтихорномаву сипосномаҳо ва туҳфаҳо сарфароз гардонида шуданд.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
