Керрӣ: Бе талоши Русия дар Сурия оташбас муваффақ намегардид

Душанбе, 11.05..2016 / АМИТ «Ховар» /. Котиби давлатии ИМА Ҷон Керрӣ нақши Русияро дар барқарории оташбас дар Сурия мусбат арзёбӣ намуда, афзуд, ки бе иштироки Маскав оташбаси аввалия дар ин кишвар ба даст намеомад,-иттилоъ медиҳад РИА «Новости».
«Бе Русия мо ягон низоми оташбаси аввалияро ба даст намеовардем. Бе муҳобот даҳҳо ҳазор ҳаёти одамон наҷот дода шуд. Бо назардошти оне, ки ҳар рӯз 200 нафар нобуд мешуданд, шумо метавонед ҳисоб кунед,. Он як муддате қатъ гардид. Одамон солҳои тӯлонӣ кумаки башардӯстонаро қабул накарда буданд, ҳоло тақрибан як миллион нафар кумаки башардӯстона гирифтанд», -изҳор дошт Керрӣ дар мусоҳиба ба CNN.
«Бинобар ин ин оштӣ бартарие дошт. Ин комил аст? Не. Оё мушкилоте вуҷуд доранд, ки онро бартараф созем? Бале. Ин ҷанги панҷсола аст. Ва дар асл, он зиёдтар аз як ҷанг аст. Мо курдҳо бар зидди курдҳо, курдҳо ба муқобили Туркия дорем, мо Арабистони Саудӣ, Эрон, сунниҳо, шиаҳо, мардуме, ки бар зидди ДИ ҳастанд ва мардуме, ки бар зидди Башор Асаданд, онҳоро дорем. Ин — як низои хеле мушкил аст», — афзуд ӯ.