Мардум бо табъи болида ба раъйпурсӣ меоянд

Душанбе, 22.05.16. /АМИТ «Ховар»/. Валерий Катула, намоянда  аз  ҳайати мушоҳидони  байналмилалӣ  зимни  боздид  аз  участкаи раъйдиҳии №1-и ноҳияи Шоҳмансур,  ки дар бинои Мактаби таҳсилоти миёнаи умумии №20 воқеъ гардидааст, гуфт, хушҳол аст, ки мардум бо табъи болида ба раъйпурсӣ омада истодаанд.
Раъйпурсии умумихалқӣ оид ба ворид намудани тағйиру иловаҳо ба Сарқонуни Ҷумҳурии Тоҷикистон амри зарурӣ ва саривақтӣ мебошад,- афзуд ӯ.
Ба иттилои Валерий Катула,  зимни  мушоҳида  ягон  ҳолати вайрон намудани қонун ба  қайд  гирифта  нашудааст.
Дар участкаи раъйдиҳии №1-и ноҳияи Шоҳмансур то соати 12 нисфирӯзӣ зиёда аз 65 фоизи раъйдиҳандагон мавқеи худро муайян намуданд.
Яке аз шахсони номдори кишвар — Мирзошоҳпух Асрорӣ ҳамроҳи оилаи худ Сабоҳат Облоқулзода ба раъйпурсӣ омада, изҳори қаноатмандӣ намуд, ки  сокинон бо рӯҳияи баланд дар ин маъракаи муҳими сиёсӣ иштирок намуда истодаанд  ва баргузории чунин чорабинии  муҳими сиёсӣ, ки ояндаи дурахшону зиндагии шоистаю рушди босуботро муайян месозад,  саривақтӣ мебошад