Муҳаммад Ашраф Ғанӣ: «Қалби ҳар як афғон барои суботу оромии Тоҷикистон ва қалби ҳар тоҷик барои суботи Афғонистон метапад»
Душанбе, 10.05.2016. /АМИТ «Ховар»/. «Ман худро дар Тоҷикистон бегона ҳис намекунам, фикр мекунам, ки дар ҳавзаи фарҳангии бузурги Осиёи Марказӣ қарор дорам»,-гуфт Президенти Ҷумҳурии Исломии Афғонистон Муҳаммад Ашраф Ғанӣ зимни вохӯрӣ бо донишҷӯёну устодони Донишгоҳи миллии Тоҷикитон.
Вай афзуд, ки Тоҷикистону Афғонистон ду кишвари бо ҳам дӯсту ҳамсоя буда, таърих, забон, дин ва фарҳанги муштарак доранд. Анъанаи ҳамкории ин ду кишвар аз умқи қарнҳо маншаъ мегирад. Ҳамкориҳои Тоҷикистону Афғонистон дар давоми 25 соли охир сабту сифати комилан нав касб кардаанд, ки ин аз баракати истиқлолияти Тоҷикистон мебошад.
Президенти Афғонистон аз он хушҳолӣ намуд, ки ӯ ба тарҷумон ниёз надорад ва метавонад паёмашро мустақим ба ҷавонон расонад.
«Қалби ҳар як афғон барои суботу оромии Тоҷикистон ва қалби ҳар тоҷик барои суботи Афғонистон метапад»,-илова намуд Муҳаммад Ашраф Ғанӣ.
Муҳаммад Ашраф Ғанӣ дар мавриди зарурати лоиҳаи «CASA-1000» ва ҳамкориҳои таърихии Тоҷикистону Афғонистон вобаста ба Роҳи абрешим низ изҳори назар кард.
Ёдовар мешавем, ки ҳоло дар Донишгоҳи миллии Тоҷикистон беш аз 40 шаҳрванди ҶИА, аз он 26 нафар дар зинаи донишҷӯӣ, 9 нафар дар зинаи магистрӣ ва 9 нафар дар зинаи докторӣ таҳсил мекунанд.
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Имрӯз дар ноҳияҳои алоҳидаи кӯҳии Тоҷикистон барф меборад
