Мулоқоти Пешвои миллат бо Раиси Маҷлиси Шӯрои Мамлакати Арабистони Саудӣ
Душанбе, 25.05.2016 /АМИТ «Ховар»/. Имрӯз дар Қасри миллат Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Маҷлиси Шӯрои Мамлакати Арабистони Саудӣ доктор Абдуллоҳ ибни Муҳаммад ибни Иброҳим Оли Шайх мулоқот кард.
Дар мулоқот вазъи кунунӣ ва дурнамои муносибатҳои дуҷонибаи Тоҷикистон ва Мамлакати Арабистони Саудӣ дар соҳаҳои афзалиятнок мавриди баррасӣ қарор дода шуд.
Президенти Ҷумҳурии Тоҷикистон Эмомалӣ Раҳмон дар оғози сӯҳбат аз ниятҳои неки роҳбарияти сатҳи олии Шоҳигарии Арабистони Саудӣ ба густариши муносибатҳои дуҷониба бо Ҷумҳурии Тоҷикистон ёдовар шуда, изҳори умедворӣ намуд, ки ин қадршиносию таваҷҷуҳи бесобиқа дар оянда ба тавсеа ва рушди робитаю муштаракоти безаволу таърихии ду давлати ба ҳам дӯст мусоидат хоҳанд кард.
Зимни сӯҳбати пурмуҳтаво ва созанда ҷонибҳо ба таври муфассал доир ба таҳкими муносибатҳои байнипарлумонӣ, аз ҷумла тавофуқоти таъсиси Кумитаи муштараки дӯстии парлумонии Тоҷикистон ва Арабистони Саудӣ, рушду густариши ҳамкории баманфиат дар соҳаҳои иқтисоду тиҷорат, сармоягузорӣ, илму маърифат ва фарҳанг, хусусан фаъолгардонии кори Комиссияи муштарак оид ба ҳамкории иқтисодӣ, тиҷоратӣ ва илмию техникии Тоҷикистону Арабистони Саудӣ табодули афкор намуданд.
Ҷонибҳо бо таъкиди муҳимияти иқдомҳои башардӯстона аз дастгирию кӯмакҳои фаврии ҷониби Арабистони Саудӣ ба Тоҷикистон дар бартарафсозии оқибатҳои офатҳои таббиӣ ва идомаи ин тадбирҳои хайрхоҳона аз ҷониби Маркази байналмилалии кӯмакҳои инсондӯстонаи Шоҳ Салмон ёдовар шуданд.
Президенти Ҷумҳурии Тоҷикистон Эмомалӣ Раҳмон аз таваҷҷӯҳи пайвастаи Ходими Ҳарамайни Шарифайн Подшоҳ Салмон ибни Абдулазиз Оли Сауд ба тавсеаи робитаҳои созандаи миёни кишварҳо, рушди босуботи ҳамкорӣ, аз натиҷаҳои самарабахши сафарҳо ба сарзамини муқаддаси Арабистони Саудӣ изҳори қаноат намуд.
Робитаҳои минбаъдаи байнипарлумонӣ дар рушду тавсеаи ҳамкории дуҷониба ба ҳайси як унсури таркибии маҷмӯи муносибатҳои дӯстӣ ва ҳамкориҳои созандаи байни кишварҳо басо муҳим арзёбӣ гардид.
Мавзӯи дигари суҳбат адои маносики ҳаҷ ва умра аз ҷониби шаҳрвандони Тоҷикистон буд ва Эмомалӣ Раҳмон барои фароҳам овардани шароити мусоид баҳри зоирини тоҷик изҳори сипос намуд.
Дар мулоқот ҳамчунин дигар масоили мубрами минтақа ва ҷаҳон, аз ҷумла хатари терроризму экстремизми байналмилалӣ, мубориза бар зидди ҷиноятҳои муташаккил ва ҷиноятҳои ба дини поки ислом иснодоваранда мавриди баррасӣ қарор дода шуд.
Президенти Ҷумҳурии Тоҷикистон Эмомалӣ Раҳмон бо рафти корҳои сохтмонӣ дар бинои Театри миллӣ шинос шуданд
Президенти Ҷумҳурии Тоҷикистон Эмомалӣ Раҳмон доир ба рафти омодагиҳо ба таҷлили ҷашни 35-солагии Истиқлоли давлатии Ҷумҳурии Тоҷикистон машварати корӣ доир намуданд
Фармони Президенти Ҷумҳурии Тоҷикистон
Пешвои миллат Эмомалӣ Раҳмон дар шаҳри Исфара ба таври фосилавӣ як қатор иншооти иҷтимоиро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Исфара кони ангишти №8-и Ҷамъияти саҳомии кушодаи «Ангишт»-ро ба истифода доданд
Сарвари давлат Эмомалӣ Раҳмон дар шаҳри Исфара бо лоиҳаи азхудкунии заминҳои бекорхобида, пойгоҳи обкашӣ, сардхона, коргоҳи бастубанди мева ва хоҷагии чорводорӣ ба таври фосилавӣ шинос шуданд
Пешвои миллат Эмомалӣ Раҳмон бо сафари корӣ ба шаҳри Исфара ташриф оварданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар чорабинӣ бахшида ба таҷлили Наврӯзи байналмилалӣ дар ноҳияи Мастчоҳи вилояти Суғд
Сарвари давлат Эмомалӣ Раҳмон бинои нави Беморхонаи марказии ноҳияи Мастчоҳро ба истифода доданд
Пешвои миллат Эмомалӣ Раҳмон дар ноҳияи Мастчоҳ ба маъракаи кишти пахта дар заминҳои хоҷагии деҳқонии «Мирхонд» оғоз бахшиданд
Президенти Ҷумҳурии Тоҷикистон Эмомалӣ Раҳмон дар ноҳияи Мастчоҳ 3 иншооти истеҳсолиро ба таври фосилавӣ ифтитоҳ намуданд
