Намояндагони ДФУ аз донишҷӯёни Хуҷанд имтиҳон гирифтанд

Душанбе, 14.05.2016 /АМИТ «Ховар»/. Намояндагони Донишгоҳи Федералии Урал (ДФУ) таҳти роҳбарии муовини директори «Маркази рушди муносибатҳои шарикӣ» К.В Погорелский. ва роҳбари барномаҳои магистрии донишгоҳи мазкур Е. В Тиссен ба муддати ду рӯз дар Донишкадаи политехникии Донишгоҳи техникии Тоҷикистон дар шаҳри Хуҷанд бо хатмкунандагони гурӯҳи бакалавариат барои дохил шудан ба зинаи магистравии донишгоҳи худ мулоқот намуда, аз онҳо имтиҳон гирифтанд.
Натиҷаи имтиҳонот аз тариқи почтаи электронӣ ба ҳамаи иштирокдорон фиристода мешавад.
Ёдовар мешавем, ки дар Донишгоҳи мазкур аз рӯи 75 ихтисос ва 235 барномаи магистратурӣ дар соҳаҳои муҳандисӣ, иктисодӣ ва математика кадрҳо омода карда мешаванд.