Ғолиби Шоҳҷоизаи мусобиқаи гӯштини миллӣ дар ноҳияи Ванҷ муайян гардид
Душанбе, 22.05.2016 /АМИТ «Ховар»/. Дирӯз бахшида ба Рӯзи ҷавонон ва раъйпурсии умумихалқӣ дар ҷамоати деҳоти Язгуломи ноҳияи Ванҷ мусобиқаи варзишӣ оид ба гӯштини миллӣ доир гардид.
Барои иштирок ва ҳаводорӣ дар ин мусобиқа аз тамоми гӯшаву канори ҷумҳурӣ гӯштингирон, хоҳишмандон ва мухлисони ин намуди варзиш ҷамъ омаданд.
Паҳлавонон бо такя ба маҳорати касбӣ ва қувваи бозуи худ кӯшиш мекарданд ба ҳарифи худ дастболо гарданд. Барои доварии сабқати гӯштингирон беҳтарин доварон ва устодони ҷумҳурӣ даъват шудаанд.
Ғолибони мусобиқа дар вазни 55 кило Ансорӣ Саъдиев аз ноҳияи Ванҷ ҷойи аввал, Интизор Шехҷамолов аз шаҳри Хоруғ ҷойи дуюм ва Ҳаким Маҳмадназаров ва Нуриддин Шарипов аз ноҳияи Ванҷ ҷойҳои сеюмро ишғол намуданд. Дар вазни 90 кило Фарёд Шайхов- паҳлавон аз дастаи ВМКБ ҷойи аввалро соҳиб гашта, ҷойи дуввумро Малик Сошоев аз ноҳияи Ванҷ ба даст овард. Ду ҷойи сеюм насиби Муҳаммад Ҷавҳаров ва Баҳман Раҳматуллоев аз ноҳияи Ванҷ гардид.
Дар вазни 100 кило намояндагони Вилояти Мухтори Кӯҳистони Бадахшон Рауф Зиёбеков ҷойи аввал, Санавбар Шанбиев ҷойи дуюм, Шакар Мирмамадов ҷойи сеюмро соҳиб гардида, як ҷои сеюми дигарро Фазлиддин Сафаров аз вилояти Хатлон ишғол намуд. Дар вазни 60 кило Далер Қурбонов аз шаҳри Хоруғ ҷойи аввалро ишғол намуд, ҷойи дуввумро Хусрав Шамсов аз вилояти Суғд соҳиб гардида, ҷойҳои сеюмро Саидмумин Охиров аз ноҳияи Ванҷ ва Наврӯз Меҳмонов аз ВМКБ аз худ намуданд.
Ҳамчунин дар вазни 75 кило Сайёд Шайхов аз шаҳри Хоруғ сазовори ҷои аввал гардида, ҷойи дуюмро Ҳамбиб Шуков аз ноҳияи Ванҷ ишғол кард, ҷойҳои сеюмро паҳлавонони ванҷӣ Н.Меҳсинов ва С. Охиров соҳиб гаштанд.
Дар даври ниҳоии сабқати гӯштингирон паҳлавонони вазни мутлақ барои ба даст овардани Шоҳҷоиза ба майдон баромаданд.
Баъди рақобатҳои зиёд паҳлавон Шакар Мирмамадов аз шаҳри Хоруғ ба рақиби худ дастболо гардида, мошини сабукрави гаронарзишро соҳиб гашт. Ба ғолибони дигари мусобиқа низ аз ҷониби кумитаи тадорукот туҳфаҳои арзишнок тақдим карда шуданд.
Хотиррасон менамоем, ки мусобиқаи мазкур бо ташаббуси Вазорати корҳои дохилӣ ва Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон баргузор шуда, баҳри таҳкими дӯстию рафоқати ҷавонони кишвар, якдилию муттаҳидӣ, муҳаббат ба Ватани азиз равона гардид.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
