Ғолибияти варзишгарони тоҷик дар Чин
Душанбе, 27.05.2016/АМИТ «Ховар»/. Варзишгарони бошишгоҳи «Таҷфайтер» Шоҳин Сафаров ва Шерзод Залиев дар риштаи муҳорибаҳои омехта дар мусобиқаи бонуфузи «Супер старт файт» ширкат варзиданд. Мусобиқаи мазкур дар шаҳри Харбини Ҷумҳурии Мардумии Чин баргузор гардида, дар он ситораҳои ин навъи варзиш бо ҳам ҳунару неру санҷиданд. Тоҷикистонро дар ин чорабинии бонуфузи варзишӣ Шоҳин Сафаров ва Шерзод Залиев намояндагӣ намуданд. Онҳо ҳарифони пурқуввати чиниро мутаносибан бо нокаути техникӣ ва бо лат додани даст дучори шикаст намуда, бо дастовези шоиста ба Ватан баргаштанд.
Варзишгаронро дар «Фурудгоҳи байналмилалии Душанбе» мухлисону ҳаводорон, хешону наздикон ва намояндагони дигар қишрҳои варзишдӯсти пойтахт пазироӣ намуданд.
Президенти Федератсияи муҳорибаҳои омехта Аҳтам Хокиров мегӯяд: «Ин ҳарду варзишгари мо бо ташкилоти ONE Championship шартнома доранд ва ҳардуи онҳо дар даври якум бар ҳарифи худ ғолиб омаданд, ки ин мувафақияти онҳо боиси ифтихори мост».
Дар шаҳри Душанбе ҷашни Меҳргон таҷлил мегардад
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
