«Овози ту муҳим аст!» -ҳамоиш дар Варзоб

Душанбе, 13.05.2016/АМИТ «Ховар»/. Бо ибтикори Иттифоқи ҷавонони Тоҷикистон ва филиалҳои он дар шаҳру ноҳияҳои ҷумҳурӣ аз оғози моҳи май ҳамоишҳо байни аҳолӣ доир мегарданд.
11 майи соли 2016 дар ноҳияи Варзоб аз ҷониби филиали Иттифоқи ҷавонони Тоҷикистон дар ноҳия дар ҳамкорӣ бо бахши ҷавонон, варзиш ва сайёҳии ноҳия бо иштироки васеи ҷавонон ва кормандони касбу кори гуногун ҳамоиши ноҳиявӣ таҳти унвони «Овози ту муҳим аст!» аз назди майдони варзишии маркази ноҳия то боғи фарҳангӣ бо шиору овезаҳо, парчаму варақаҳои таблиғотӣ баргузор карда шуд.
Инчунин дар даромадгоҳи тарозуи толингии ноҳия аз ҷониби аъзои филиали иттифоқи ҷавонони Тоҷикистон дар ноҳияи Варзоб ба аҳолӣ ва шаҳрвандон маводи тарғиботӣ вобаста ба моҳияти тағйиру иловаҳо ба Конститутсия тақсим карда шуданд. Ҷавонон ибрози ақида намуданд, ки мо ба лоиҳаи тағиру иловаҳои қонуни бахти миллатамон- Конститутсияи Ҷумҳурии Тоҷикистон якдилона раъй медиҳем.