Рӯзҳои наздик гармшавии ҳаво дар назар аст

Душанбе, 20.05.16. /АМИТ «Ховар»/.   Мувофиқи пешгӯии ҳавошиносон,  21-22 май ҳаво  дар тамоми минтақаҳои Тоҷикистон тағийр ёфта,  рӯ ба гармшавӣ меорад.
Тавре ки ба АМИТ «Ховар» аз Агентии обуҳавошиносии Тоҷикистон хабар доданд,  дар ин рӯзҳо дар минтақаи ҷанубии Тоҷикистон гармшавии ҳаво ба 43 дараҷа хоҳад расид.
«Аммо чунин гармӣ  кӯтоҳмуддат буда, аллакай 23 май ҳаво нисбатан салқин шуда, боридани боронҳои кӯтоҳмуддат дар назар аст»,- афзуд манбаъ.
Пагоҳ, 21 май дар шаҳри Душанбе ҳавои тағйирёбандаи бе бориш  дар назар аст. Ҳарорат  шабона +11+13, рӯзона 34-36 дараҷа мешавад.
Дар ноҳияҳои тобеи марказ  ҳавои тағйирёбандаи бе бориш дар назар дошта шудааст. Ҳарорат  шабона +10+15 дараҷа, рӯзона то  37 дараҷа гарм мешавад.
Дар вилояти Суғд ҳавои тағйирёбанда буда,  бориш намешавад. Ҳарорат шабона +15+20, рӯзона +35+37 дараҷаро ташкил медиҳад.
Дар Вилояти Мухтори Кӯҳистони Бадахшон -ҳавои тағйирёбанда шуда, боридани борон дар назар нест. Ҳарорат дар ғарб шабона +6+11, рӯзона +25+27; дар шарқ шабона +2+7, рӯзона +10+14 дараҷаро ташкил хоҳад дод.
Дар вилояти Хатлон ҳавои тағйирёбанда шуда, борон намеборад. Ҳарорат дар водиҳо шабона +18+23, рӯзона то 43 дараҷа гарм хоҳад шуд.