Раъйпурсии умумихалқӣ-нишонаи ҷомеаи демократӣ

Деваштич, 22.05.2016. /АМИТ «Ховар»/. Субҳи имрўз дар 62 гўшаи ноҳияи Деваштич маъракаи муҳими сиёсӣ  раъйпурсии умумихалқӣ доир ба ворид намудани тағйироту иловаҳо ба Конститутсияи (Сарқонуни) Ҷумҳурии Тоҷикистон оғоз гардид. Даҳҳо нафар овоздиҳандагон дар саҳнаи ҳар як участкаи раъйпурсӣ сарҷамъ гашта, бо шунидани Суруди миллии Ҷумҳурии Тоҷикистон ин маъракаро бо дилу нияти  пок  оғоз бахшиданд. Собиқадорону мушоҳидони милливу байналмилалӣ ва ҷавонони нав ба синни овоздиҳӣ расида, аз баргузории чунин воқеоти муҳими сиёсӣ, ки ояндаи дурахшону зиндагии шоистаю рушди босуботро муайян месозад, ибрози андеша намуданд.
Сокинону овоздиҳандагони ноҳияи Деваштич барои баён намудани раъйи худ аз тариқи иштироки фаъолона дар раъйпурсии умумихалқӣ ва ба ҳамин васила роҳандозӣ намудани демократияи миллиро вазифаи худ дониста, пиру барно ба участкаҳои раъйпурсӣ ҳозир гардида истодаанд.